Сот шешімі бойынша Үржар ауданының тұрғыны 1 млн теңгеден астам қарызын төлеуден бас тартқан. Бұл туралы прокуратура хабарлады.
Аудан прокуратурасы анықтағандай, борышкер әдейі сот орындаушыларынан жасырын өзіне тиесілі үйін сатып, алынған қаражатты өз қажеттіліктеріне жұмсаған.
«Аудан прокуратурасы бастаған сотқа дейінгі тергеп-тексеру бойынша Үржар аудандық сотының үкімімен борышкер ҚР ҚК 430-бабының 1-тармағымен (сот үкімін, сот шешімін немесе өзге де сот актісін не атқарушылық құжатты орындамау) 6 ай мерзімге бас бостандығын шектеуге тартылды», — делінген хабарламада.
Қазіргі уақытта қарыз толық көлемде өтелген.
