Бұрын Қазақстанның БАӘ-дегі елшілігінде кеңесші болған Сәкен Мамаштың қатысуымен болған дау жалғасын тапты — полиция оның қамауға алынғанын ресми түрде растады.
Полицияның мәліметінше, тергеу жүргізу үшін арнайы жедел-тергеу тобы құрылған. Мамандар сараптама жасап, дәлелдер жинады.
«Тергеу қорытындысы бойынша қамауда ұстау түріндегі бұлтартпау шарасы таңдалды».
Тергеу мүддесіне байланысты өзге мәліметтер жария етілмейді.
Еске салсақ, Сәкен Мамаш пен Карина Госманның (бұрынғы Мамаш) оқиғасы үлкен қоғамдық резонанс тудырып, тұрмыстық зорлық-зомбылыққа байланысты даулы жағдайға айналды.
Карина Мамашқа қатысты күш көрсету фактісі туралы алғаш рет 2024 жылдың мамырында, ол әлі Қазақстанның БАӘ-дегі елшілігінде қызмет атқарып жүрген кезде мәлімдеген. Одан кейінгі оқиғаларды алдыңғы жазбалардан табуға болады.
Наурыз айының соңында Карина Госман бұрынғы күйеуінің қысым көрсетіп жатқаны туралы мәлімдеме жасады.
