Шерзат Болатты өлтіру ісі бойынша сот онлайн режимде көрсетіліп жатыр. Сотты Жоғарғы соттың YouTube арнасынан көруге болады.

Бүгін, 2025 жылғы 10 сәуір күні сағат 12:00-де Шерзат Болатты өлтіру ісі бойынша алдын ала тыңдау басталды.

Сот процесіне қатысушылардың пікірін ескере отырып, сот бұл істі ашық режимде қарау туралы шешім қабылдаған.

Сот отырысының онлайн-трансляциясы Жоғарғы Соттың YouTube арнасында көрсетіледі.

Бұған дейін Бас прокуратура Шерзаттың үйін өртеп жіберу ісі бойынша ғарыштан түсірілген суреттерді зерттегісі келетіні белгілі болған.

Еске салайық, жасөспірім Шерзат Болатты өлтіру оқиғасы 4 қазанға қараған түні орын алған. Бастапқыда полиция оқиғаға қатысы бар барлық адам ұсталғанын мәлімдеген. Алайда кейін марқұмның ата-анасы барлық күдіктілердің ұсталмағанын айтып, мәлімдеме жасаған.