Талдықорғанда Шерзат Полатты өлтіру ісі бойынша сот процесі жүріп жатыр.
Бүгінгі сот отырысы жоспарланған уақыттан кеш басталды. Бұған айыпталушылардың адвокатының 40 минутқа кешігуі себеп болды. Судья Ержан Жанұзақов оған ескерту жасады.
Сондай-ақ ол процеске қатысушылардан сот ісі аяқталғанша БАҚ-қа түсініктеме бермеуді сұрады.
Айта кетейік, айыпталушылар орындығында тоғыз адам отыр. Олардың кейбіреулері бұған дейін де қылмыстық жауапкершілікке тартылған — қызметке немқұрайлы қарау, ұрлық және басқа да қылмыстар үшін.
Сотта басты фигурант Абзал Шынасыл кінәсін толық мойындамайтынын мәлімдеді.
