Мәжіліс мәдениет, білім беру және тәлімгерлік мәселелері туралы заңға енгізілетін түзетулерді қабылдады.
Парламент депутаттарының бастамасымен жүзеге асырылған түзетулер білім және мәдениет саласындағы заңнаманы одан әрі жетілдіруге бағытталған.  Соның бірі – дарынды мектеп түлектеріне мемлекеттік қолдау көрсету.

Ең беделді Халықаралық олимпиадалар мен халықаралық ғылыми жобаларда жүлдегер болған оқушыларға «Болашақ» стипендиясы аясында бакалавриат бағдарламасы бойынша шетелдік жоғары оқу орындарында білім алу құқығы беріледі. Бұл Қазақстан үшін жаңа сұранысқа ие кадрларды дайындауға жол ашады.