2025 жылғы 28 мамырда Бішкекте Қырғызстан төрағалығымен Ұжымдық қауіпсіздік шарты ұйымының (ҰҚШҰ) Қорғаныс министрлері кеңесінің кезекті отырысы өтті. Оған ҰҚШҰ Бас хатшысы Иманғали Тасмағамбетов пен Біріккен штаб бастығы генерал-полковник Андрей Сердюков қатысты.

Отырыста ҰҚШҰ жауапкершілік аймағындағы әскери-саяси жағдай жан-жақты талқыланып, ұжымдық қауіпсіздік жүйесін дамыту мәселелері бойынша пікір алмасты.

2026–2030 жылдарға арналған әскери ынтымақтастықты жоспарлау, бірлескен дайындықтарды ұйымдастыру, ҰҚШҰ күштерін басқару тетіктерін жетілдіру бойынша құжаттар қабылданды.

Сондай-ақ қатысушылар 2025 жылғы 9 мамырда Мәскеуде өткен Жеңістің 80 жылдығына арналған әскери парадтың жоғары деңгейде ұйымдастырылғанын атап өтті. Бұл парадқа ҰҚШҰ елдерінің әскери бөлімдері де қатысқан.