Премьер-министрдің орынбасары Ералы Тоғжанов елімізде базарлар мен сауда орталықтары жұмыстарын жалғастыра беретінін мәлімдеді. Бірақ, кинотеатрлар жабылады.

Тоғжановтың сөзінше, көптеген адамдардың жабық ғимарат ішінде бірнеше сағат отыруы үлкен мәселе туындатады. Сондықтан кинотеатрлар жұмысын тоқтату туралы шешім қабылданған. Ал тұрғындар азық-түлікпен қамтамасыз етілуі тиіс болғандықтан, базарлар мен сауда орталықтары жұмыстарын жалғастыра береді.