Белорусьте президент сайлауы қортындысына қарсылық акциялары 4 күн қатарынан жалғасып жатыр. Бұл туралы tut.by жазады.
Қарсылыққа дәрігерлер мен мәдениет саласының қызметкерлері де қосылды. Мәселен, Белорусь мемлекеттік филорманиясының қызметкерлері филармония ғимаратының алдына шығып, қарсылық көрсетіп жатыр. Сондай-ақ дәрігерлер де көше бойына тізіліп тұрып қарсылық білдірді. Акцияға шығушылар биліктің қарсылыққа шығып жатқан халыққа қарсы зорлық-зомбылықты, қудалауды тоқтатуын сұрайды.
Және де кешелі бері Белорусь мемлекеттік телерадио арналарында ұзақ жыл жұмыс істеген журналисттер де арыз жазып, қызметтерін кетіп, қарсылыққа қосылып отыр. tut.by сайтының мәліметінше әзірге 9 журналист жұмыстан кеткен.
