Сирия Қорғаныс министрлігінің мәліметінше, Эс-Сувейда провинциясында белгісіз қарулы топ сириялық армияның әскери қызметкерлеріне шабуыл жасаған. Қазіргі таңда үкімет әскері шабуыл жасалған ошақтарға жауап қайтарып, атыс нүктелерін жоюмен айналысып жатыр. Ведомствоның мәлімдеуінше, әскерилер бейбіт тұрғындардың қауіпсіздігін қамтамасыз ету үшін әскери қимылдарды халықаралық ережелерге сай жүргізуде.
Бұл арада Израиль қорғаныс министрі Йоав Галант та мәлімдеме жасап, израильдік армияның аталған аймақтағы «режим күштеріне» қарсы шабуылдарын жалғастыратынын жеткізді. Министрдің айтуынша, Сирия әскері бұл өңірден толықтай шегінбейінше, соққылар тоқтамайды.
Айта кетейік, Эс-Сувейда – Сирияның оңтүстігіндегі стратегиялық маңызды провинциялардың бірі. Онда соңғы аптада түрлі әскери қақтығыстар жиілеп кеткен. Сарапшылардың пікірінше, бұл шиеленіс Сирия мен Израиль арасындағы қарым-қатынасты одан әрі нашарлатуы мүмкін.
