WhatsApp мессенджері Ресей нарығынан кетуі ықтимал. Бұл туралы Мемлекеттік дума депутаты Антон Горелкин мәлімдеді. Ол Meta компаниясына тиесілі бұл мессенджердің, болжам бойынша, шектеуге жататын достық қатынаста емес елдердің тізіміне енгізілетінін айтты.
Оның сөзінше, Ресей азаматтарының 68%-ы WhatsApp қолданады, алайда жақын арада оны наурызда таныстырылған отандық Max мессенджері алмастыруы мүмкін. Max-та чат-боттар, төлемдер, шағын-қосымшалар қолжетімді, сондай-ақ оны «Мемлекеттік қызметтер» және цифрлық ID жүйесімен біріктіру жоспарланып отыр.
Путиннің баспасөз хатшысы Дмитрий Песков барлық сервистер Ресей заңдарын сақтауы тиіс екенін атап өтті. Ал құқық қорғаушылар Max-та WhatsApp немесе Signal секілді толық шифрлау (end-to-end) жоқ екенін ескертіп отыр.
