Ресейдің Шешенстан Республикасында «Ахмат. Взгляд снизу» (қазақшасы: «Ахмат. Төменнен қарау») атты жаңа пропагандистік жоба іске қосылды, деп хабарлайды Arasha.kz.
Бұл жоба аясында «арнайы әскери операция» (СВО) барысында қаза тапқан жауынгерлердің балалары Ресей армиясын, Алланы, Рамзан Қадыровты және «Ахмат» арнайы жасағының командирі Апты Алаудиновты мадақтап, бейнежазбалар дайындауда.
Жобаны алғаш 2023 жылы Мемлекеттік Дума депутаты Кузнецов ұсынған. Идеяны қолдаған Шешенстан билігі кейіннен «Гудерместегі балаларға арналған арнайы жасақ академиясын» дамыту үшін Путин грантын иеленген. Қазіргі уақытта бұл академия виртуалды форматта жұмыс істейді. Дегенмен, жергілікті билік оның нақты инфрақұрылымын қалыптастыруды жоспарлап отыр. Бейнежазбаларда балалар тек Құдайға және отанға адал болуды насихаттап қана қоймай, қарусыздандыруды емес, күш қолдануды әділдік ретінде көрсетеді.
Бұл жоба халықаралық құқық қорғаушылар мен педагогтер арасында алаңдаушылық туғызып отыр. Олар балалардың миларын идеологиялық бағытта қалыптастыру – балалар құқығы мен білімге бейтараптық қағидатына қайшы келеді деп есептейді.
