Қазақстанда тамыз айының соңында елдің басты мемлекеттік мерекелерінің бірі – Конституция күні аталып өтеді. Осыған байланысты қыркүйек айының алғашқы аптасы қысқа жұмыс аптасы болады, деп хабарлайды Arasha.kz.
1995 жылдың 30 тамызында қабылданған Конституция – еліміздің ең маңызды құжаты. Сол себепті мереке жыл сайын 30 тамызда тойланады.
Бес күндік жұмыс аптасы бар қызметкерлер үшін 30 тамыз (сенбі), 31 тамыз (жексенбі) және 1 қыркүйек (дүйсенбі) – демалыс күндері болып есептеледі. Бұл «Мерекелер туралы» заңға сәйкес, мереке сенбіге түскен жағдайда демалыс дүйсенбіге ауыстырылатындықтан жүзеге асады.
Алты күндік жұмыс аптасы барлар үшін:
- 30 тамыз (сенбі) және 31 тамыз (жексенбі) – демалыс;
- 1 қыркүйек (дүйсенбі) – жұмыс күні болып саналады.
