Әнші Қарақат Әбілдина мен ақын Қымбат Әбілдәқызы "1001 түн" бағдарламасының қонағы болды, деп хабарлайды Arasha.kz.
Бағдарлама барысында Қарақат Әбілдина туған әпкесі жайлы ашық айтып, оның өміріндегі орны ерекше екенін жеткізді. Әншінің сөзінше, Қымбат Әбілдәқызы бала күнінен қатал болған.
"Қымбат апайым қатал болды. Бұрын бұл қаталдығын ұнатпайтынмын, оны жек көретін едім, бірақ қазір бәріне алғыс айтамын. Апайымның тәрбиесінің арқасында құндылығым мен ұстанымым қалыптасты. Өнердегі алғашқы қадамымда да продюсер болып, сұхбат беруге, ән айтуға, сахнада өнер көрсетуге жол ашты. Әрдайым демеп, қолдап отырғанын ешқашан ұмытпаймын", – деді Қарақат Әбілдина.
