Қасым-Жомарт Тоқаев Владимир Путинмен телефон арқылы сөйлесті, деп хабарлайды Arasha.kz.
Ақорданың хабарлауынша, тараптар Қазақстан президентінің алдағы Ресейге жасайтын мемлекеттік сапарын талқылады.
«Екі ел басшылары Мәскеуде өтетін алдағы келіссөздердің стратегиялық әріптестік пен одақтастық қатынастарды одан әрі дамыту үшін ерекше маңызға ие екенін атап өтті», - делінген хабарламада.
Ақордадағы мәліметке сәйкес, әңгіме барысында мемлекет басшылары әлемдегі қазіргі жағдайдың кейбір қырларын да сөз етті.
