Белгілі продюсер, әнші Қайрат Нұртастың анасы Гүлзира Айдарбекова жас отбасылар арасындағы жиі кездесетін кикілжіңдердің себебі туралы өз ойын бөлісті, деп хабарлайды Arasha.kz.
7-арнаның "Жарқыраған жұлдыз" бағдарламасында сұхбат берген продюсер қазіргі жастардың тәкаппарлық пен өзара түсіністіктің жетіспеушілігінен көп жағдайда ажырасуға дейін баратынын айтты.
"Жастарға айтарым, сол ананы сыйласа болды ғой. Әкеге күліп отырып, шайын берсе... Тырысып отырмаса, жұлынбаса... Күйеуің кешірім сұрайды ғой. Сол кезде одан да әрі асып кетіп, бетпақтық танытпай, "жарайды" деп келісе салсаң, әрі қарай жақсы әңгіме айтып, жақсы қыдырып... Кешірмей қақиып тұрып алатындар бар. Оның барлығы көкірекке байланысты ғой. Әңгіменің барлығы сол тәкаппарлыққа келіп тіреледі ғой", – деді Гүлзира Айдарбекова.
