Ресейдің Әзербайжандағы елшісі Михаил Евдокимов 14 қарашада Әзербайжан Сыртқы істер министрлігіне шақырылып, оған нота тапсырылды, деп хабарлайды Arasha.kz.
Баку Мәскеуге наразылық білдірді: 14 қараша түнгі ракеталық және дрондық шабуылдар кезінде «Искандер» зымыраны Киевтегі Әзербайжан елшілігінің аумағына құлаған. Жарылыс елшілік қоршауының бір бөлігін, ғимараттарды, қызметтік көліктерді және консулдық бөлімді зақымдаған. Зардап шеккендер жоқ.
Баку мұндай шабуылдардың бұрын да болғанын еске салды:
– 2022 жылы Харьковтегі Почет консулдығы бомбалау кезінде қираған;
– 2024 жылы елшілік маңында «Кинжал» зымыранынан үлкен кратер пайда болған;
– 2025 жылдың 28 тамызында Киевтегі елшілікке жақын жерге соққы беріліп, нысандар зақымданған;
– 2025 жылдың 8 және 18 тамызында Одесса облысындағы SOCAR мұнай базасына дрон соққылары жасалып, инфрақұрылым бүлініп, жұмысшылар зардап шеккен.
Әзербайжан бұл жағдайлар зымыран соққыларының әдейілігі туралы сұрақтар туғызатынын айтты. Елшіліктердің координаттары Ресейге 2022 жылы берілгені де еске салынды.
Баку Ресейден оқиғаны толық тергеуді және жан-жақты түсініктеме беруді талап етті.
