Ақтауда қала әкімдігінің тапсырмасына сәйкес электр энергиясының сапасы мен тұрақтылығын арттыру мақсатында жалпы ұзындығы 76,9 шақырымды құрайтын, тозу деңгейі шамамен 80% болған 17 электр желісі кезең-кезеңімен жаңартылуда. Бұл туралы қала әкімі есеп беру кездесуінде мәлімдеді.
Жаңғырту жұмыстары екі кезеңге бөлінген:
І-кезең – бірқатар шағын аудандарды қамтитын 22,5 шақырым тозығы жеткен желілер толық жаңартылды.
ІІ-кезең – тағы 8 шағын ауданда орналасқан 54,4 шақырым болатын 11 электр желісі қайта салынып жатыр.
Сонымен қатар, қуаттылығы 110/10 кВ ХАБ-1 және ХАБ-2 қосалқы станцияларының құрылысы аяқталғаны хабарланды. Бұл нысандар қаладағы электрмен қамту сапасын жоғарылатып, басқа станциялардың жүктемесін азайтуға мүмкіндік береді. Қазір объектілерді қолданысқа қабылдау жұмыстары жүргізілуде.
Ақтау қаласы әкімдігінің баспасөз қызметі.
