Украина, АҚШ және Ресей арасындағы бейбіт келіссөздерде Донецк пен Луганск облыстарының мәртебесіне қатысты ортақ позиция жоқ, деп хабарлайды Arasha.kz.
Келіссөздер іс жүзінде тұралап қалды. Бұл туралы Украина президенті Владимир Зеленский Bloomberg агенттігіне берген сұхбатында айтты. Ол бейбітшілік жоспарының кейбір тармақтары егжей-тегжейлі және қиын жұмыс жүргізуді талап ететінін атап өтті.
Президенттің сөзінше, Донецк пен Луганск облыстарының территориялық мәселесіне қатысты америкалық, украиндық және ресейлік позициялар әртүрлі, және дәл осы тармақ келіссөздерді тұралатуда.
«Келіссөздер территориялық мәселе салдарынан тұралап қалды», — деді Зеленский.
Сонымен қатар, Украина бейбіт келісімге қол қою үшін қауіпсіздік кепілдіктеріне мұқтаж екенін айтты. Киев жеңілдік жасаған жағдайда уәде етілген қорғауды алатынына және Ресейдің жаңа әскери агрессиясына ұшырамайтынына сенімді болуы керек.
