Екі елдің билігі де жағдайға бір-бірін кінәлап отыр. Камбоджа тарапы тай армиясы шекара маңындағы нысандарға соққы жасауды жалғастырып жатқанын мәлімдесе, Бангкок Камбоджа әскері халықаралық нормаларды бұзып, азаматтық нысандарды атқылап жатыр деп айыптайды, деп хабарлайды Arasha.kz.
12 желтоқсанда Дональд Трамп телефон арқылы сөйлесуден кейін тараптар жұма кешінен бастап атысты тоқтату туралы келісімге келгенін айтқан. Оның сөзінше, Таиланд пен Камбоджа қазан айының соңында оның қатысуымен қол қойылған бейбіт келісімді қайта сақтауға уағдаласқан.
Екі ел арасындағы шекарадағы қақтығыстар 8 желтоқсанда қайта жанданды. Кейін ҚР Сыртқы істер министрлігі бұл қақтығыстар Таиландтың танымал туристік аймақтарынан алыс жерде болып жатқанын, сондықтан елде жүрген қазақстандықтарға алаңдауға негіз жоқ екенін мәлімдеді.
