Ақтөбе облысы прокуратурасының қызметкері ұсталды. Қазіргі уақытта оған қатысты тергеу амалдары жүріп жатыр, деп хабарлайды Arasha.kz өңірлік прокуратураға сілтеме жасап.
«2026 жылғы 17 ақпанда ҚР ҰҚК Сыбайлас жемқорлыққа қарсы іс-қимыл қызметінің орталық аппараты Бас прокуратураның Ішкі қауіпсіздік департаментімен бірлесіп, Ақтөбе облысы прокуратурасының қызметкерін ұстады. Қазіргі уақытта тергеу амалдары жүргізілуде», - деп хабарлады ведомствоның баспасөз қызметінен.
Ақтөбе облысының прокуратурасы Қылмыстық-процестік кодекстің 201-бабына сәйкес, сотқа дейінгі тергеп-тексерудің өзге деректерін жария етпей отыр.
