Иран 2 наурыз күні таңертең Израиль премьер-министрі Биньямин Нетаньяхудың кеңсесіне және Израиль Әскери-әуе күштерінің қолбасшысы Томер Бардың орналасқан жеріне зымыранмен соққы берді. Бұл туралы Ислам революциясы сақшылар корпусының (ИРСК) баспасөз қызметі мәлімдеді, деп хабарлайды Arasha.kz.
«Қылмыстық сионистік режимнің (Израиль — ред.) премьер-министр кеңсесі мен осы режим армиясының Әскери-әуе күштері қолбасшысының орналасқан жері ислам республикасы қарулы күштерінің оныншы толқыны аясында "Kheibar" зымырандарымен жасалған жоспарлы әрі кенеттен соққылар кезінде нысанаға алынды», - деп жазды Tasnim агенттігі мәлімдеме мәтініне сілтеме жасап.
«Сионистік режим премьер-министрінің тағдыры әзірге белгісіз», — деп толықтырды ИРСК.
Сонымен қатар, Израильдегі ақпарат көзі ТАСС агенттігіне Иранның Израиль премьер-министрі Биньямин Нетаньяхудың кеңсесіне зымыранмен соққы бергені туралы ақпаратты жоққа шығарды.
«Ақпарат шындыққа жанаспайды», - деп атап өтті агенттік сұхбаттасушысы.
