Иранның жаңа жоғарғы көшбасшысы шабуыл кезінде жараланған болуы мүмкін, бірақ есін біледі және жасырын жерде қалып отыр, деп хабарлайды Arasha.kz.
New York Times басылымының мәліметінше, Моджтаба Хаменеи көпшілік алдына тек жаңа соққылар үшін орналасқан жерін анықтап қояды деген қауіптен ғана шықпай жүрген жоқ. Иранның үш шенеунігі басылымға оның жараланғанын, соның ішінде аяғынан жарақат алғанын айтқан. Сонымен қатар ол есін білетіні және байланыс шектеулі, қорғалған жерде жасырынып жатқаны айтылады.
Израильдің екі әскери шенеунігі мәлімдегендей, ЦАХАЛ жинаған мәліметтер де қорғаныс ведомствосын Хаменеидің 28 ақпанда - әкесінің орнына лауазымға сайланбай тұрып-ақ аяғынан жараланған деген қорытындыға келтірген.
Сонымен қатар, Иран президенті Масуд Пезешкианның ұлы NYT ақпаратын теріске шығарды. Юсеф Пезешкиан өзінің Telegram-арнасында елдің жаңа жоғарғы көшбасшысы «қауіпсіз жерде және жағдайы жақсы» екенін мәлімдеді.
- Мен Моджтаба Хаменеи мырзаның жараланғаны туралы жаңалықтарды естідім. Байланысы бар кейбір достарымнан сұрадым. Олар маған, Құдайға шүкір, оның қауіпсіз жерде және жағдайы жақсы екенін айтты, - деді Юсеф Пезешкиан.
