Ерболат Досаев Президент әкімшілігі басшысының орынбасары қызметінен босатылды, деп хабарлайды Arasha.kz.
Тиісті жарлыққа Мемлекет басшысы Қасым-Жомарт Тоқаев 25 наурыз күні қол қойған. Ресми мәліметте кадрлық өзгерістің себептері көрсетілмеген.
Ерболат Досаев бұл қызметті 2025 жылдың қыркүйегінен бері атқарып келген. Бұған дейін ол Алматы қаласының әкімі болып жұмыс істеп, өткен жылдың мамыр айында бұл лауазымнан кеткен еді.
Саяси және мемлекеттік қызметтегі тәжірибесі мол Досаев әр жылдары Ұлттық банк төрағасы, Премьер-министрдің орынбасары, «Бәйтерек» холдингінің басқарма төрағасы қызметтерін атқарған. Сонымен қатар Ұлттық экономика, Денсаулық сақтау және Қаржы министрліктерін басқарған.
Сондай-ақ ол «Самұрық-Қазына» қоры мен «Бәйтерек» ұлттық инвестициялық холдингінің директорлар кеңесінің мүшесі болған.
Оның орнына Мемлекет басшысының экономикалық мәселелер жөніндегі көмекшісі болып Нұрлан Байбазаров тағайындалды.
