Ерболат Досаев Президент әкімшілігі басшысының орынбасары қызметінен босатылды, деп хабарлайды Arasha.kz.
Тиісті жарлыққа Мемлекет басшысы Қасым-Жомарт Тоқаев 25 наурыз күні қол қойған. Ресми мәліметте бұл кадрлық өзгерістің себептері көрсетілмеген.
Ерболат Досаев бұл қызметті 2025 жылдың қыркүйегінен бері атқарып келген.
Оның орнына Мемлекет басшысының экономикалық мәселелер жөніндегі көмекшісі қызметіне Нұрлан Байбазаров тағайындалды.
Айта кетейік, Досаев 2025 жылғы 24 мамырда Алматы қаласының әкімі қызметінен босатылған. Кейін сол жылдың 19 қыркүйегінде Президент әкімшілігі басшысының орынбасары болып тағайындалған еді.
Сондай-ақ 2025 жылғы 23 желтоқсанда "Самұрық-Қазына" АҚ директорлар кеңесінің мүшесі атанып, 2026 жылдың қаңтарында «Бәйтерек» ұлттық инвестициялық холдингінің директорлар кеңесінің құрамына енген.
