Қарағанды облысы Бұқар Жырау ауданының әкімдігі мемлекеттік сатып алу порталы арқылы құны 1 миллион теңгеден асатын смартфон сатып алған, деп хабарлайды Arasha.kz.
Лот "Негізгі құралдарды сатып алу" деген жалпы атаумен жарияланған, онда нақты флагман смартфон алынатыны ашық көрсетілмеген. Алайда техникалық сипаттамада ұялы телефон ретінде 512 ГБ жады бар, nano SIM және eSIM қолдайтын Apple iPhone 16 Pro Max моделі көрсетілген.
Бір дана смартфонның бағасы 1 070 689 теңгені болса, сатып алудың жалпы сомасы 1 167 137 теңгеге жеткен.
Сатып алу рәсімі 10-14 сәуір аралығында өтіп, қорытындысы бойынша жарамды деп танылған. Байқау жеңімпазы – Қарағанды облысының 34 жастағы тұрғыны, жеке кәсіпкер Данияр Тулигенов. Жалпы конкурсқа төрт жеткізуші қатысқан. Екінші орынды Қостанай облысында тіркелген "Северный регион 2030" компаниясы иеленді.
Сонымен қатар, сатып алынған смартфонның бағасы нарықтағы ұсыныстардан жоғары екені байқалады – бөлшек саудада дәл осындай модель, әдетте, арзанырақ сатылады.
Бұдан бөлек, тапсырыс беруші қосымша бірқатар жабдықтарды сатып алуды да жоспарлаған:
- интерактивті панельге арналған мобильді тіреуіш,
- power bank (портативті қуаттағыш),
- жарықтандыру жабдықтары,
- зарядтау құрылғылары,
- еденге арналған штатив.
Бастапқыда бәрі бір лотқа біріктірілгеніне қарамастан, сатып алудың бұл бөлігі жүзеге аспай қалды.
Қымбат смартфон не себепті "негізгі құралдар" ретінде рәсімделіп, неге нарықтағы бағадан жоғары бағамен алынғаны әзірге түсініксіз күйінде қалып отыр.
