Өскемендегі «Қазмырыш» металлургиялық кешенінде орын алған апаттан кейін ауыр жарақат алған жұмысшылардың бірі ауруханада көз жұмды. Бұл туралы компания өкілдері мәлімдеді, деп хабарлайды Arasha.kz.
Дәрігерлер бірнеше күн бойы зардап шегушінің өмірі үшін күрескенімен, оны аман алып қалу мүмкін болмады. Тергеу екі нұсқаны қарастырып жатыр.
Оқиғадан кейін мырыш және қорғасын зауыттарындағы өндірістік қуаттың бір бөлігі уақытша қысқартылды. Кәсіпорында апат салдарларын жою жұмыстары жалғасуда. Төтенше жағдайдың себептері әлі де анықталып жатыр.
Бұған дейін ІІМ қылмыстық істің ауыр зардаптарға әкеп соққан еңбекті қорғау ережелерін бұзу бабы бойынша тергеліп жатқанын хабарлаған болатын. Қазіргі уақытта екі негізгі нұсқа қарастырылуда: технологиялық процестің бұзылуы және адам факторы.
Тергеушілер оннан астам сараптама тағайындады. Іс бойынша нақты күдіктілер әзірге анықталған жоқ.
