"Қазгидромет" 1 қазанға арналған Қазақстан қалаларындағы ауа райы болжамын жариялады. Синоптиктердің мәліметінше, бірқатар өңірде жаңбыр жауып, жел күшейеді. Ал алдағы үш күнде елдің батысы мен солтүстік-батысында жаңбыр аралас қар да күтіледі, деп хабарлайды Arasha.kz.
Астанада күн құбылмалы бұлтты болады, жаңбыр жауады. Желдің екпіні кей уақытта 15–18 м/с-қа дейін күшейеді. Түнде +6...+8°C, күндіз +16...+18°C.
Алматыда жаңбыр жауып, найзағай ойнайды. Жел екпіні 13 м/с-қа дейін жетуі мүмкін. Түнде +12...+14°C, күндіз +24...+26°C.
Шымкентте жаңбыр мен найзағай күтіледі. Жел 15–20 м/с-қа дейін күшейеді. Түнгі температура +12...+14°C, күндіз +18...+20°C болады.
Жезқазғанда жаңбыр жауады. Түнде +6...+8°C, күндіз +19...+21°C.
Қарағандыда да жауын-шашын күтіледі. Жел екпіні 15 м/с-қа дейін жетеді. Түнде +8...+10°C, күндіз +16...+18°C.
Таразда жаңбыр жауып, найзағай ойнайды. Түнде +11...+13°C, күндіз +18...+20°C.
Ал Ақтау, Ақтөбе, Атырау, Көкшетау, Қонаев, Қостанай, Қызылорда, Павлодар, Петропавл, Семей, Талдықорған, Түркістан, Орал және Өскеменде жауын-шашынсыз ауа райы болжанып отыр.
Өскеменде түнде ауа температурасы -1...-3°C-қа дейін төмендеуі мүмкін. Семейде +1...+3°C, Қостанай мен Оралда +3...+5°C шамасында болады.
Қазгидрометтің 1–3 қазанға арналған жалпы болжамына сәйкес, атмосфералық фронттардың әсерінен республиканың басым бөлігінде ауа райы тұрақсыз болады. Елдің батысында түнгі температура -1...-6°C-қа дейін төмендеуі мүмкін.
