АҚШ-тың Теннесси штатында өлім жазасын орындау әрекетінен кейін тірі қалған 50 жастағы Криста Пайк ауыр жағдайда ауруханада жатыр. Оған өлім инъекциясына қолданылатын пентобарбитал препаратының екі дозасы берілген, алайда әйелдің тіршілік белгілері тоқтамаған, деп Arasha.kz тілшісі ВВС басылымына сілтеме жасап хабарлайды.
Пайктың адвокаты Стивен Ферреллдің айтуынша, сотталған әйел жасанды тыныс алу аппаратына қосылған және оның жағдайы әлі де өте ауыр.
"Ол әлі де ауруханада жатыр, жасанды тыныс алу аппаратына қосылған, жағдайы өте ауыр. Әзірге оның жағдайының қалай болатынын шынымен білмейміз. Бәлкім, тағы бірнеше күн бойы да біле алмайтын шығармыз", – деді Феррелл.
Адвокаттар Пайктың өлім жазасынан кейін есін әлі жимағанын айтады. Оның денсаулығына қандай ұзақмерзімді зиян келгені әзірге белгісіз.
Өлім жазасын орындау кезінде алдымен бір доза пентобарбитал енгізілген. Ол нәтиже бермеген соң хаттамаға сәйкес екінші доза салынған. Куәгерлер Пайктың одан кейін де тыныс алып, дыбыс шығарғанын айтқан. Ақырында рәсім тоқтатылып, ол ауруханаға жеткізілген.
Пайктың адвокаттары бұған дейін оның ұсақ веналары мен тромбоцитоз деп аталатын қан ауруы инъекция кезінде қиындық туғызуы мүмкін екенін ескерткен. Қорғаушылардың мәліметінше, препараттың бір бөлігі қан тамырына емес, тіндерге тараған болуы мүмкін. Соның салдарынан оның қолдары ісініп, күйік пен күлбіреу пайда болған.
Оны қайтадан өлім жазасына кесуі мүмкін бе?
Әзірге Теннесси билігі Криста Пайктың денсаулығы түзелген жағдайда оған қатысты өлім жазасын қайта орындауға әрекет жасала ма, жоқ па – нақты шешім жариялаған жоқ.
Губернатор Билл Ли 2026 жылдың қалған
