13 қарашада Қазақстанның бірқатар өңірінде ауа райы құбылмалы болады. Еліміздің батысы, солтүстігі мен шығысында жаңбыр және қар аралас жаңбыр жауып, кей жерлерде көктайғақ күтіледі. Ал оңтүстік өңірлерде жауын-шашынсыз ауа райы сақталады, деп хабарлайды Arasha.kz.
"Қазгидромет" синоптиктері жұма, 13 қарашаға арналған ауа райы болжамын жариялады. Мамандардың мәліметінше, Астана мен Көкшетауда қар жауады. Ал Ақтөбе, Қостанай, Өскемен және Семей қалаларында жаңбыр аралас қар күтіледі.
Елдің батысында желдің екпіні секундына 20 метрге дейін жетуі мүмкін. Түнде көптеген өңірде ауа температурасы нөлден төмендейді.
Астана, Алматы және Шымкентте ауа райы қандай болады?
Астанада көшпелі бұлт шығып, қар жауады. Желдің жылдамдығы секундына 2–7 метр болады. Түнде ауа температурасы -1...-3 градусқа дейін төмендеп, күндіз 0...+2 градус шамасында сақталады.
Алматыда жауын-шашынсыз ауа райы болжанып отыр. Жел секундына 3–8 метр жылдамдықпен соғады. Түнде -2...-4 градус аяз болып, күндіз +5...+7 градусқа дейін жылынады.
Шымкентте көшпелі бұлт шығады, жауын-шашын күтілмейді. Желдің жылдамдығы секундына 5–10 метр. Түнде 0...-2 градус, күндіз +7...+9 градус болады.
Батыс өңірлерде жаңбыр жауып, жел күшейеді
Ақтауда жаңбыр жауады. Желдің жылдамдығы секундына 9–14 метр, екпіні 15–20 метрге дейін жетуі мүмкін. Түнде +4...+6 градус, күндіз +11...+13 градус жылы болады.
Атырауда күн бұлтты болып, жаңбыр күтіледі. Жел секундына 7–12 метр жылдамдықпен соғып, екпіні 15–18 метрге дейін күшейеді. Ауа температурасы түнде +3...+5 градус, күндіз +7...+9 градус болады.
Ақтөбеде қар аралас жаңбыр жауады. Желдің жылдамдығы секундына 5–10 метр, екпіні 13 метрге дейін жетеді. Түнде 0...-2 градус, күндіз +2...+4 градус болжанады.
Оралда бұлтты ауа райы сақталып, жаңбыр жауады. Жел секундына 9–14 метр жылдамдықпен соғып, екпіні 15–20 метрге дейін жетеді. Түнде +1...+3 градус, күндіз +4...+6 градус болады.
Солтүстік Қазақстанда қар мен жаңбыр күтіледі
Көкшетауда қар жауады. Жел секундына 7–12 метр жылдамдықпен соғады. Түнде ауа температурасы -1...-3 градус, күндіз +1...+3 градус болады.
Қостанайда жаңбыр аралас қар жаууы мүмкін. Желдің жылдамдығы секундына 9–14 метр. Түнде -1...-3 градус аяз болып, күндіз +1...+3 градусқа дейін көтеріледі.
Петропавлда көшпелі бұлт шығып, жауын-шашын болмайды. Жел секундына 9–14 метр жылдамдықпен соғады. Түнде -1...-3 градус, күндіз +1...+3 градус шамасында болады.
Павлодарда жауын-шашынсыз ауа райы күтіледі. Желдің жылдамдығы секундына 1–6 метр. Түнде -4...-6 градус аяз болса, күндіз 0...+2 градус болжанады.
Орталық Қазақстанда күн суытады
Қарағандыда көшпелі бұлт шығады, жауын-шашын күтілмейді. Жел секундына 2–7 метр жылдамдықпен соғады. Түнде -3...-5 градус, күндіз 0...-2 градус болады.
Жезқазғанда да жауын-шашынсыз ауа райы сақталады. Желдің жылдамдығы секундына 2–7 метр. Түнде -2...-4 градус аяз болып, күндіз 0...+2 градусқа дейін жылынады.
Оңтүстік өңірлерде жауын-шашын болмайды
Қызылордада көшпелі бұлт шығып, жауын-шашын күтілмейді. Жел секундына 7–12 метр жылдамдықпен соғады. Түнде -1...-3 градус, күндіз +5...+7 градус болады.
Түркістанда жауын-шашынсыз ауа райы болжанады. Желдің жылдамдығы секундына 5–10 метр. Түнде 0...-2 градус, күндіз +7...+9 градус жылы болады.
Таразда көшпелі бұлт шығады. Жауын-шашын болмайды. Жел секундына 9–14 метр жылдамдықпен соғады. Түнде -1...-3 градус, күндіз +5...+7 градус болады.
Қонаевта да жауын-шашын күтілмейді. Желдің жылдамдығы секундына 9–14 метр. Түнде -2...-4 градус, күндіз +5...+7 градус болады.
Талдықорғанда көшпелі бұлт шығып, жауын-шашынсыз ауа райы сақталады. Жел секундына 5–10 метр жылдамдықпен соғады. Түнде ауа температурасы -5...-7 градусқа дейін төмендеп, күндіз +4...+6 градус болады.
Шығыс Қазақстанда жаңбыр аралас қар жауады
Өскеменде жаңбыр аралас қар күтіледі. Жел секундына 4–9 метр жылдамдықпен соғады. Түнде 0...-2 градус, күндіз +3...+5 градус болады.
Семейде де қар аралас жаңбыр жауады. Желдің жылдамдығы секундына 4–9 метр. Түнде -1...-3 градус, күндіз +1...+3 градус шамасында сақталады.
