Бүгін, 29 маусымда коронавирустан тағы да 5 адам көз жұмды. Денсаулық сақтау министрлігі таратқан мәліметте коронавирустан қайтыс болғандар саны 183 адамға жеткен.
Бүгін көз жұмған науқастар жайлы мәлімет төмендегідей:⠀
Батыс-Қазақстан облысында — 1952 жылы туған әйел адам;
Маңғыстау облысында — 1942 жылы туған әйел адам;
Ақмола облысында — 1967 жылы туған ер азамат;
Шығыс-Қазақстан облысында — 1958 жылы туған ер азамат;
Ақтөбе облысында — 1962 жылы туған әйел адам.
Сондай-ақ 28 маусымда коронавирус жұқтырған 547 адам коронавирус індетімен ауырғаны белгілі болды. Жалпы ел бойынша ауырғандар саны 21 327 адамға жетті. Емделіп шыққандар — 12 933 адам.
Ал кеше жалпы статистикаға қосылмаған коронавирус індетінің белгілері жоқ 1 066 тасымалдаушы адам тіркелген. Жалпы белгілері жоқ тасымалдаушылар саны — 16 639 адамға жеткен.⠀
