АҚШ сенаты Ресей президенті В.Путинді әскери қылмыскер деп атады.

АҚШ сенаты бір ауыздан мақұлдаған резолюцияда Путинді әкери қылмыскер деп көрсеткен.

Резолюцияға дауыс беру алдында сенаттағы демократиялық партия лидері Чак Шумер «Біз, демократтар мен республикашылар, Украин халқына жасаған жауыздығы үшін Путин жауап береді, қашып құтылмайды», – деп мәлімдеген.

Резолюция жобасын республикашыл партиясының өкілі Линдси Грэм жасап, ұсынған. 

Резолюцияда сенаторлар халықаралық қылмыстық сот пен әлем елдеріне Ресец армиясының Украиндағы қылмысын белсенді түрде тергеу шақырған.

Ал Ресей кеше АҚШ президенті Байденнен бастап, бір топ америка шенеуніктеріне санкция салды.