Президент жарлығымен Бердібек Сапарбаев Жамбыл облысының әкімі болып тағайындалды. Бұл туралы Ақорданың баспасөз қызметі хабарлайды.

Осылайша, Қордайдағы қақтығыс облыс әкімін ауыстыру туралы шешімге алып келді.

Жамбыл облысының бұрынғы әкімі Асқар Мырзахметов өз өтінішімен қызметінен босатылды.

Бердібек Сапарбаев бұған дейін вице-премьер болып қызмет істеген еді. Әрі Қордайдағы қақтығысқа байланысты үкімет комиссиясын басқарады.