Қырғызстан басшысы Сооронбай Жээнбеков Бішкектегі дүмпуден кейін үндеу жасап, халықты сабырлыққа шақырды. Видео президенттің YouTube-тағы ресми арнасында жарияланды.
«Қымбатты отандастар! Кеше түнде кейбір саяси күштер мемлекеттік билікті заңсыз басып алуға тырысты. Олар сайлаудың қорытындысын желеу етіп қоғамдық тәртіпті бұзды. Халықтың бейбіт өмірін бей-берекет қылды. Құқық қорғау органдарына бағынбай медицина қызметкерлерін соқты, ғимараттарды бүлдірді. Мен тәртіп сақшыларына оқ атпай, қан төкпей, бірде-бір азаматтың өміріне қауіп төндірмеуді бұйырдым. Біз жағдайдың ушығып кетпеуі үшін қолдан келген шараның бәрін ұйымдастырдық. Отандастарымды тыныштық сақтауға және арандатушы күштерге еріп кетпеуге шақырамын», – деді президент үндеуде.
Сооронбай Жээнбеков сонымен бірге орталық сайлау комиссиясының барлық заңбұзушылықты мұқият тексеретінін және қажет болса сайлау қорытындыларын жоққа шығаратынын жеткізді.