2025 жылғы 21 сәуірден бастап АТБ Банкі — Нұрсұлтан Назарбаевтың айналасындағы құрылымдарға тиесілі қаржы ұйымы Қазақстан қор биржасына (KASE) шетелдік мүше ретінде тіркелді. Банк бірден үш бағыт бойынша сауда жасау құқығына ие болды: валюта, бағалы қағаздар және деривативтер.
Бұл мәртебе банктің Қазақстандағы биржалық операцияларға еркін қатысуына жол ашады.
АТБ Банкі кімге тиесілі және қанша табыс әкелді?
Банк 2021 жылдың соңында Pioneer Capital Invest компаниясы арқылы 14 млрд рубльге сатып алынды. БАҚ бұл компанияны Назарбаевтың отбасымен байланысты деп көрсетеді.
Үш жылдағы таза пайда:
- 2022 жыл: 325,3 млн рубль
- 2023 жыл: 8,18 млрд рубль
- 2024 жыл: 11,38 млрд рубль
Жалпы пайда 19,88 млрд рубль. Бұл 30 млрд теңгеден асады және сатып алу бағасынан 5,88 млрд рубльге артық.
2024 жылы банктің пайыздық кірісі — 31,2 млрд рубль (шамамен 162,8 млрд теңге), бұл банк қызметінің негізгі табыс көзі болып табылады.
Назарбаев үшін АТБ Банкі неліктен маңызды?
Сарапшылар АТБ Банкін Назарбаевтың ең табысты және қорғалған активі деп санайды. Оның жұмыс моделі Қазақстандағы саяси тәуекелдерден тәуелсіз. Сонымен қатар, Путинмен кездесулер банктің Ресейдегі тұрақтылығын қамтамасыз ету амалы болуы мүмкін.
АТБ-ның KASE-ге кіруінің салмағы
- Бұл – саяси-қаржылық символ: Ресейлік банк – Қазақстан биржасында
- Қазақстандық инвестициялық капиталмен тікелей жұмыс істеу мүмкіндігі
- Халықаралық операциялар көлемінің артуы
- Назарбаев отбасының экономикалық ықпалы нығаяды
