Қытайдың денсаулық сақтау комитеті 9692 адам коронавирусқа шалдығып, 213 адам қайтыс болғаны туралы ресми дерек таратты. Деректер Қытайдың 31 аймағынан келіп түскен хабарлар негізінде жасалған. Бұл туралы Синхуа агенттігі хабарлады.

Қытайдың Ухань қаласынан тараған коронавирус қазірдің өзінде әлемнің бірнеше еліне тарағаны мәлім. Әр ел вирусқа қарсы сақтандыру шараларын қолға алып жатыр. 

Қазақстан Қытаймен арадағы көлік және әуе қатынастарын тоқтатып жатыр. Сондай-ақ үкімет коронавирусқа қарсы күреске 1,5 миллиард теңге бөлді.