Ақмола облыстық санитариялық-эпидемиологиялық бақылау департаментінің мәліметінше, Т.А. Уәлиев атындағы «Жақсы №2» спорт мектебінің базасында болған балалар арасында ішек бактериялық инфекциясының 18 жағдайы анықталған.

Ауруға шалдыққандар – футбол жарысына қатысу үшін Қостанайдан келген балалар екені белгілі болды.

Аталған дерек бойынша «Санитариялық ережелерді немесе гигиеналық нормативтерді бұзу» бабымен қылмыстық іс қозғалды.

Ауырған балаларға дер кезінде қажетті медициналық көмек көрсетілді. Қазіргі таңда олардың жағдайы қанағаттанарлық деп бағалануда.