Қазақстан президенті Қасым-Жомарт Тоқаев ядролық қаруды сынақтан өткізу зардаптары жайлы айтты, деп хабарлайды Arasha.kz.
Тоқаев X желісіндегі өзінің парақшасында бүгін ядролық сынақтарға қарсы халықаралық іс-қимыл күні екенін атап өтті.
«Бұл атаулы күнді БҰҰ Бас Ассамблеясы Қазақстанның бастамасымен бекітті. Халқымыз атом қаруын сынаудан қатты зардап шекті. Мұндай қасірет қайталанбауға тиіс. Біз кейінгі ұрпақтың жарқын болашағы үшін бейбітшілікті нығайтып, халықаралық әріптестікті дамыта түсуіміз керек. Ядролық қарудан және сынақтардан біржола бас тартуға күш салуымыз қажет. Бейбітшілік пен қауіпсіздік – бүкіл адамзатқа ортақ ең басты құндылықтар», – деп жазды Президент Қасым-Жомарт Тоқаев.
