30 жыл бұрын бүкілхалықтық референдумда Қазақстан Республикасының Конституциясы қабылданған еді. Бүгін (29 тамыз) Қасым-Жомарт Тоқаев Қазақстан Республикасының Конституциясына 30 жыл толуына арналған ғылыми-практикалық конференцияда сөз сөйледі, деп хабарлайды Arasha.kz.
Өзінің баяндамасында ол елдегі басқару формасының қалай өзгергенін еске салды. Конституцияға ең маңызды өзгерістер үш жыл бұрын — 2022 жылғы қаңтар оқиғаларынан кейін енгізілді.
Оған дейін, Тоқаевтың айтуынша, елде билікпен байланысты проблемалар болған. Сол себепті президенттің жақын туыстарының мемлекеттік басқару жүйесінде басшылық қызмет атқаруына тыйым енгізуге тура келген.
Сонымен қатар Тоқаев ҚР Конституциясын жасауда Назарбаевтың еңбегін де атап өтті:
«Конституция туралы айта отырып, бірінші президент Нұрсұлтан Назарбаевтың табанды еңбегін атап өткен жөн. Мемлекет басшысы бола жүріп, ол Конституцияны қабылдау процесінде шешуші рөл атқарды», — деді ол.
Президент қазіргі таңда 2022 жылы жасаған стратегиялық таңдауының дұрыстығына сенімді екенін айтты.
Бұл сол кезде белгілі бір саяси топтар тарапынан күмәнмен қарсы алынғанына қарамастан, өз күшін дәлелдегенін жеткізді.
