ҚР Қорғаныс министрлігі 2024 жылдың 7 мен 9 мамырында әскери парад өткізуді жоспарлап отырмағандарын мәлімдеді.
Қорғаныс басқармасы мұны бюджет қаражатын үнемдеу және басқа да мәселелерді шешумен байланысты деп түсіндірді.
Қазақстанның Қорғаныс министрлігі биыл 7 және 9 мамырда аталып өтетін Отан қорғаушылар күні мен Жеңіс күніне орай әскери шерулерді өткізбеу туралы шешім қабылдады.
«Қазақстанда 2024 жылы әскери парад өткізу бюджет қаражатын үнемдеу мақсатында, сондай-ақ басқа да мәселелерді шешу қажеттілігіне байланысты жоспарланбаған. Басымдықтардың қатарында Қазақстан Қарулы Күштері бөлімшелерінің жауынгерлік әзірлігі мен ұтқырлығының қажетті деңгейін сақтау бар», — деп нақтылады ҚР Қорғаныс министрлігі.
Айта кету керек, соңғы рет елімізде әскери парад 2018 жылы өткізілген.
