Әскери киім-кешек пен өзге де құралдарды Ресейге контрабандалық жолмен алып өтпек болғандардың жолы кесілді.
«Қайрақ» автокөлік бақылау-өткізу пунктінде әскери бас киімдер мен тактикалық рюкзактарды заңсыз алып өтпек болғандар анықталды. Жүк бөлігінде киім-кешектер салынған «Газельді» Қостанай облысы бойынша Мемлекеттік кірістер департаменті мен ҚР ҰҚК Шекара қызметінің қызметкерлері ұстады», — делінген хабарламада.
Анықталғандай аталған тауарларды алып жүру құжаты болмаған.
«Қазір жүк тиелген көлік бақылау-өткізу пункті орналасқан жерде, тауардың шыққан жері мен экспортқа қатысы бар тұлғаларды анықтау шаралары жүргізілуде», — дейді Кірістер департаментінің баспасөз қызметі.
Жедел шаралар нәтижесінде кінәлілер жауапқа тартылып, жүк мемлекет пайдасына тәркіленеді.
