Қала тұрғындарын вакцинациялауға ынталандыру үшін сауда-ойын-сауық орталықтары коронавирусқа қарсы вакцина алғандарға бағалы сыйлықтар мен жеңілдік купондарын таратуда, деп хабарлайды елорда әкімдігі.
Сонымен, «Азия Парк» СОО-да аптасына үш рет тұрмыстық техника, яғни шаңсорғыштар, жылдам қыздыратын пештер, миксерлер, тостерлер, кофеқайнатқыштар секілді түрлі бағалы сыйлықтардың ұтыс ойыны өткізіледі. Бұдан басқа компьютерлік техника — принтерлер, USB флэшкілері мен компьютерлік тінтуірлер, сондай-ақ киім мен аяқ киімге арналған жеңілдік сыйлық сертификаттары ойнатылады.
«Mega Silk Way» СОО-да вакцинаны алғаннан кейін әкімшілік мұз айдынына баруға сертификаттар береді, ол бір жыл бойы жарамды. Ал Actual Optic бренд өнімдерін сатып алуға 10% жеңілдік ұсынады.
Marrone Rosso мекемесі және SADU мейрамханасы вакцинацияланғандарға кофе мен круасандар береді.
«Сарыарқа» СОО-да вакцина алған азаматтарға «Костюм» дүкенінен киім және Actual Optic дүкенінің өнімін сатып алуға 5-тен 10% — ға дейін қосымша жеңілдік беріледі, сондай-ақ СОО әкімшілігі 5 мың теңгенің купонын сыйлайды.
Kinopark кинотеатрлар желісі билет сатып алуға жеңілдік береді.
«Абу-Даби Плаза» СОО-да косметика сатып алуға 5-тен 30%-ға дейін және фуд-корт өніміне 10%-ға дейін қосымша жеңілдіктер қарастырылған.
«Керуен» СОО вакцина алған кезде фуд-корттарда тегін тамақ береді.
«Еуразия» СОО-да халықты вакцинациялау науқанын қолдау үшін кәсіпкерлер Glasman маркалы костюмдері мен CORNER19 брендтік өнімдеріне 5%-ға дейін қосымша жеңілдік ұсынады.
Бүгінгі таңда Нұр-Сұлтанда вакциналардың бірінші компонентін 185 мыңнан астам адам алды, екіншісі — 134 мыңнан астам адам.
Коронавирустық пандемия жүріп жатқанын ұмытпаңыз, қалада күн сайын 250-300 жаңа науқас тіркеледі. Қауіпті вируспен күресудің жалғыз тиімді әдісі — халықты жаппай вакцинациялау арқылы ұжымдық иммунитетті дамыту. Қазіргі эпидемиологиялық жағдайды ескере отырып, қала тұрғындары мен қонақтары санитарлық-эпидемиологиялық нормалар мен санитарлық дәрігерлердің ұсыныстарын қатаң сақтауы керек.
