Жезқазған қаласында үш жасөспірім балалар ойын алаңын өртеп жіберді. Бұл оқиға 7 шілде күні таңғы сағат 4 шамасында болған, деп хабарлайды @etozhez Telegram арнасы.
Оқиға салдарынан балалар алаңындағы бірнеше нысан — бағандар, баспалдақтар мен орындықтар жанып кеткен. Абырой болғанда, ешкім зардап шеккен жоқ.
Қалалық полиция департаментінің мәліметінше, құқықбұзушылық жасаған кәмелетке толмағандардың ата-аналары жауапкершілікке тартылған.
Қазіргі таңда өрттің шығу себебі мен келтірілген материалдық шығын көлемі анықталуда. Тиісті органдар жасөспірімдердің бұл әрекетіне құқықтық баға беретін болады.
