Бас прокуратура «СК-Фармация» ЖШС-не қатысты ауқымды қаржылық заңбұзушылықтар дерегі бойынша сотқа дейінгі тергеуді бастады. Бұл туралы Мәжіліс депутаты Бақытжан Базарбек мәлімдеді.
Оның айтуынша, Жоғарғы аудиторлық палата жүргізген тексеріс нәтижесінде мынадай заңбұзушылықтар анықталған:
🔹166,4 млн теңгеге жалған дәрі-дәрмек зерттеулері жүргізілген;
🔹36,7 млн теңге көлеміндегі жабдыққа негізсіз шығындалған, алайда ол жабдық нақтыда алынбаған болуы мүмкін;
🔹дәрі-дәрмек сатып алуда бюджетке келтірілген болжалды шығын – 35,8 млрд теңге;
🔹медициналық қолғап жеткізуде бағалардың негізсіз жоғары болуына байланысты 5,3 млрд теңге көлемінде қаражат тиімсіз жұмсалған.
