Қытайда туып-өскен, қазір танымал блогерге айналған қазақ қызы Гүлнар Хамит Қазақстандағы алғашқы тойына қатысып, өз әсерімен бөлісті. Бірақ әсер қуаныштан гөрі — шок пен таңданыс болды.
Ол көргенін жасырмай, оқырмандарына мынадай сұрақ қойды:
«Мұндағы тойда бәрі әсер қалдыру үшін жасалатындай. Бірақ не үшін?»
Гүлнарды тойбастар мен құдаларды қарсы алу салтанаты, күндізгі және түнгі той, бай дастарқан мен шектен тыс сән-салтанат қатты таңғалдырған. Ол бұл тойды «әсер қалдыру үшін жасалған спектакльге» теңеді.
«Байлар істесе жарасады, бірақ қарапайым халыққа мұның не керегі бар?», — деп жазады блогер.
Оның бұл сөзі көптеген қазақстандықтарды ойландырмай қоймады. Себебі көпшілік іштей бұған келіседі — кредитке той жасап, өзінен артылғанның соңынан қуалаймыз, «ұят болмасын», «өзгеден қалмайық» деген қағидамен өмір сүреміз.
Гүлнардың сұрағы — қарапайым, бірақ өткір: «Осының бәрі не үшін керек?»
