Ресей президенті Владимир Путиннің заңсыз қызы болуы мүмкін деген Луиза Розова (шын аты — Елизавета Кривоногих) алғаш рет әлеуметтік желіде бетпердесіз суретін жариялап, отбасына және Ресей режиміне қатысты ашық сыни пост жазды.
"Әлемге бетімді қайта көрсету – менің кім екенімді және өмірімді кімнің қиратқанын күн сайын еске салады. Ол – миллиондаған адамның өмірін қиған және менің тағдырымды да жойған адам", – деп жазды Розова Instagram парақшасында. Ол бұл жазбасында әкесінің есімін нақты атамағанымен, меңзеп отырған тұлға — Владимир Путин екені айқын.
Петербургтен Парижге дейінгі жол
2003 жылы Санкт-Петербургте туған Луиза Розова ресейлік БАҚ-тың мәліметі бойынша, Путинмен байланысы болған Светлана Кривоногихтың қызы. Туу туралы куәлігінде "әкесі" деген баған бос, бірақ әкесінің аты ретінде "Владимировна" деп жазылған. Анасы қызы дүниеге келгеннен кейін күрт байып кеткені де жария деректерде көрсетілген.
2022 жылға дейін Розова Instagram желісінде белсенді өмір сүріп, сәнді киімдермен түскен суреттерін жиі жариялап, диджей ретінде танымал бола бастаған. Алайда Ресейдің Украинаға басып кіруінен кейін елден кетіп, Францияға қоныс аударып, антивоендық жобаларға араласа бастады.
Соңғы постында Розова қоғамның өзіне бағытталған айыптауларына жауап берді:
"Мен расымен де мені тіпті тыңдауға дайын емес отбасымның әрекеттері үшін кінәлімін бе?" – деп жазды ол. Бұл — оның ішкі арпалысын білдірген, саяси және отбасылық оқшаулануды сезінуін көрсететін сөздер.
Қазір Луиза өзінің имиджін өзгертуге тырысып жүр. Ол қымбат киімдер мен брендті өмір салтынан бас тартып, әлеуметтік желіде сәнқойлық пен байлыққа табынуды сынайды:
"Логотипі жоқ зығыр жейде кейде дизайнерлік жібек көйлектен де шындықты көбірек жеткізе алады", – дейді ол.
Оның бұл өзгерісіне қарамастан, сын тоқтаған жоқ. Оны «режимнің мұрагері» деп атап, француз галереяларында антивоендық жобаларды жүргізгені үшін де сынға алған. Тіпті ресейлік суретші Настя Родионова Париж галереяларымен әріптестіктен бас тартқан, себебі ол жобаларда Розова куратор болған.
