Қазақстанда өз ядролық отынын өндіру қолға алынады. Бұл туралы Атом энергиясы жөніндегі агенттіктің төраға орынбасары Асет Махамбетов айтты, деп хабарлайды Arasha.kz.
Еске сала кетейік, таяуда Балқаш көлінің жағасындағы Үлкен ауылында ел тарихындағы алғашқы атом электр станциясының ресми құрылысы басталған еді.
"Росатом" басшысы Евгений Лихачевтың айтуынша, жобаға шамамен 15 миллиард доллар жұмсалмақ. Ал Атом энергиясы жөніндегі агенттік төрағасы Алмасадам Сатқалиевтің сөзінше, станция құрылысы шамамен жеті жылға созылады.
