Синоптиктер 17 тамызға Қазақстанның бірнеше облысында ауа райының күрт нашарлауына байланысты дауылды ескерту жасады, деп хабарлайды Arasha.kz.
Түркістан облысы – таулы аудандарда найзағай күтіледі. Тау асуларында күндіз оңтүстік-батыстан соққан жел 15–20 м/с дейін күшейеді. 17–18 тамыз күндері аймақта төтенше өрт қаупі сақталады.
Ұлытау облысы – ертең солтүстігінде, шығысында және орталығында найзағай болады. Желдің екпіні 15–20 м/с дейін жетуі мүмкін. Оңтүстігінде төтенше өрт қаупі, ал шығысы мен орталығында жоғары өрт қаупі сақталады.
Қарағанды облысы – солтүстігінде және шығысында қатты жаңбыр, бұршақ, шквал және найзағай болжануда. Желдің жылдамдығы 15–20 м/с дейін күшейеді. Оңтүстігінде төтенше өрт қаупі бар.
Маңғыстау облысы – төтенше өрт қаупі сақталады, оңтүстік-батысында жоғары өрт қаупі күтіледі.
Алматы облысы – таулы аудандарда найзағай болады. Жел екпіні 15–20 м/с дейін күшейеді. Солтүстік, батыс және шығыс бөлігінде төтенше өрт қаупі бар, ал өзге аймақтарда – жоғары өрт қаупі.
Ақмола облысы – 17 тамызда батысы мен солтүстігінде қатты жаңбыр, бұршақ және шквал күтіледі. Түнде және күндіз найзағай, солтүстігінде және шығысында тұман болады. Желдің екпіні 15–20 м/с дейін жетеді.
Жамбыл облысы – таулы аймақтарда найзағай күтіледі. Кей жерлерде желдің күші 23 м/с дейін барады. Өңірде төтенше және жоғары өрт қаупі сақталады.
Абай облысы – түнде найзағай, күндіз солтүстігінде және шығысында бұршақ, шквал болжануда. Жел екпіні 23 м/с дейін жетуі мүмкін. Өңірде өрт қаупі жоғары.
Батыс Қазақстан облысы – оңтүстік-батысында жоғары өрт қаупі, ал батысында төтенше өрт қаупі бар.
Қызылорда облысы – солтүстік-шығысында найзағай, жел екпіні 15–20 м/с. Аймақта төтенше және жоғары өрт қаупі сақталады.
Ақтөбе облысы – түнде және таңертең солтүстігінде тұман түседі. Оңтүстігінде төтенше өрт қаупі бар.
Шығыс Қазақстан облысы – түнде найзағай, күндіз кей жерлерінде бұршақ, шквал болады. Жел екпіні 15–20 м/с дейін күшейеді. Өңірде өрт қаупі жоғары.
Солтүстік Қазақстан облысы – 17 тамызда қатты жаңбыр, күндіз бұршақ пен шквал күтіледі. Түнде және таңертең кей аудандарда тұман болады. Жел екпіні 15–20 м/с дейін жетуі мүмкін.
Павлодар облысы – түнде найзағай, күндіз бұршақ пен шквал болуы ықтимал. Түнде және таңертең солтүстігінде тұман түседі. Жел күші 15–20 м/с.
Атырау облысы – оңтүстігі мен шығысында төтенше өрт қаупі, батысында жоғары өрт қаупі сақталады.
Қостанай облысы – солтүстігінде, шығысында және оңтүстігінде найзағай, күндіз бұршақ күтіледі. Түнде және таңертең кей жерлерінде тұман болады. Оңтүстігінде төтенше өрт қаупі бар.
Жетісу облысы – түнде найзағай, күндіз жел екпіні 15–20 м/с дейін күшейеді.
