Қайтарылған активтерді басқару компаниясы (ҚУВА) ҰҚК-нің бұрынғы басшысы Кәрім Мәсімовтен тәркіленген мүліктің сатылғанын мәлімдеді, деп хабарлайды Arasha.kz.
15 тамызда саудаға 43 лот шығарылды — сувенирлік монеталар, қылыштар және өзге де бұйымдар. Бастапқы бағасы шамамен 7 миллион теңге болғанымен, саудаға қатысушылардың жоғары қызығушылығы мен бәсекелестігі нәтижесінде жалпы сома 10 миллион теңгеден асты.
Түскен барлық қаражат білім және денсаулық сақтау салаларындағы әлеуметтік жобаларды қаржыландыруға, сондай-ақ әлеуметтік жағынан осал топтарды қолдауға жұмсалады.
Сатылған заттар — Мәсімовтің үйінен алынған мүліктер. Мамыр айының соңында зергерлік бұйымдар жеке актив ретінде бағаланып, бөлек топтамамен сатуға шешім қабылданған еді.
