Эстония Ішкі істер министрі Игорь Тароның айтуынша, Балтық елінің үкіметі Ресеймен шекараны дрондарға қарсы құралдармен жабдықтауға 200 миллион еуро жұмсамақ, деп хабарлайды Arasha.kz.
ERR телерадиокомпаниясының хабарлауынша, министрлік алдымен шығыс шекара бойындағы дуал құрылысына нүкте қойып, содан кейін оны әртүрлі техникалық жабдықтармен, соның ішінде радиоэлектрондық күрес құралдарымен жабдықтауды жоспарлап отыр. Министрдің сөзінше, бұл жүйелер шекарада «дрон қабырғасын» қалыптастыруы тиіс.
«Егер біз 3–4 жылдық перспективаға қарасақ, бұл шамамен 200 миллион еуро болады. Түсінікті болу үшін айтарым – бұл бір жылдық автокөлік салығының көлеміне тең. Яғни біз қанша автосалық жинаймыз, алдағы жылдары дәл сонша қаражат салуымыз қажет, сонда ғана ештеңе ұшып келмейтініне сенімді боламыз», – деді Таро.
