Австриядағы Армения консулы Ашхен Алексанянға Әзірбайжан пайдасына тыңшылық жасады деген күдік тағылды. Бұл туралы «Грапарак» газеті жазды, деп хабарлайды Arasha.kz.
Айтылғандай, Алексанян бірнеше ай бұрын Ереван әуежайы «Звартноцта» ұсталған, алайда жанжалдың алдын алу үшін билік бұл істі жария етпеуді жөн көрген.
Басылымның мәліметінше, консулдан күдік тудырған кейбір құжаттар табылған. Ұстаудан кейін Ұлттық қауіпсіздік қызметі Сыртқы істер министрлігінің ғимаратында ауқымды тінтулер жүргізген.
«Дипломатты тағайындамас бұрын ҰҚҚ оның өткен жолын, күдікті байланыстарын және тағы басқа жайттарды тексереді. Тағайындау тек мұқият тексерістен кейін ғана бекітіледі. Ал енді мына жағдайда не ҰҚҚ тарапынан қателік кеткен, не тағайындаушылар кейбір жағдайларға әдейі көз жұма қараған болып тұр», – делінген басылымдағы жарияланымда.
Басылым дерегінше, Ашхен Алексанян туралы, тіпті оның тағайындалғаны жайлы мәліметтердің барлығы да ашық дереккөздерден өшірілген.
